Сустрэча з працоўным калектывам адбылася ў рамках адзінага дня інфармавання і была прымеркавана да 85-й гадавіны пачатку Вялікай Айчыннай вайны.

Падчас сустрэчы асаблівая ўвага была ўдзелена неацэннаму ўкладу беларускага народа ў Вялікую Перамогу, усенароднаму і гераічнаму характару барацьбы з фашызмам, беспрэцэдэнтнасці ахвяр, панесеных нашым народам у гады ваеннага ліхалецця.

«Наш свяшчэнны доўг і канстытуцыйны абавязак – памятаць пра бессмяротны подзвіг дзядоў і прадзедаў у імя міру на зямлі, у імя будучыні», – адзначыў Старшыня Канстытуцыйнага Суда, раскрываючы асаблівую значнасць сістэмнай работы, якая праводзіцца ў краіне па ўвекавечанні памяці аб гераічным мінулым беларускага народа, недапушчэнні рэабілітацыі нацызму і іншых чалавеканенавісніцкіх ідэалогій, процідзеянні спробам перапісаць гісторыю Вялікай Айчыннай вайны.

Як падкрэсліў Прэзідэнт Рэспублікі Беларусь А.Р.Лукашэнка на цырымоніі ўскладання вянкоў і кветак да манумента Перамогі 9 мая 2026 г.: «Наш абавязак – захаваць праўду пра тую вайну, распавядаць усё, нават тое, што цяжка часам прамаўляць».

С.М.Сівец таксама расказаў удзельнікам сустрэчы аб мерах, якія прымаюцца Кіраўніком дзяржавы і іншымі дзяржаўнымі органамі, па ўмацаванні міру і грамадзянскай згоды, абароне тэрытарыяльнай цэласнасці і канстытуцыйнага ладу, забеспячэнні нацыянальнай бяспекі Рэспублікі Беларусь.

Старшыня Канстытуцыйнага Суда адказаў на шматлікія пытанні прысутных, звязаныя з канстытуцыйным будаўніцтвам у Рэспубліцы Беларусь, змяненнямі і дапаўненнямі Канстытуцыі, прынятымі на рэспубліканскім рэферэндуме 27 лютага 2022 г. і накіраванымі на захаванне гістарычнай памяці, традыцыйных сямейных каштоўнасцей, замацаванне патрыятызму як абавязку кожнага грамадзяніна Рэспублікі Беларусь і інш.

Такія сустрэчы з’яўляюцца важным этапам у рабоце па захаванні гістарычнай праўды і памяці аб гераічным подзвігу беларускага народа ў гады Вялікай Айчыннай вайны як фундаментальных канстытуцыйных каштоўнасцей і асновы развіцця і ўмацавання суверэннай беларускай дзяржаўнасці.