Прадстаўнікі Канстытуцыйнага Суда працягваюць прымаць удзел у правядзенні вучэбных заняткаў па розных аспектах забеспячэння канстытуцыйнай законнасці ў рамках курсаў павышэння кваліфікацыі ў Інстытуце перападрыхтоўкі і павышэння кваліфікацыі суддзяў, работнікаў пракуратуры, судоў і ўстаноў юстыцыі Беларускага дзяржаўнага ўніверсітэта. 

Падчас сустрэчы А.В.Сямашка з пракурорамі раёнаў былі абмеркаваны асаблівасці канстытуцыйных скаргаў і запытаў судоў агульнай юрысдыкцыі як формаў доступу грамадзян да канстытуцыйнага правасуддзя. Асобная ўвага была ўдзелена неабходнасці дзейснай рэалізацыі пракурорамі права на заяву хадайніцтва аб праверцы канстытуцыйнасці нарматыўнага прававога акта, які падлягае прымяненню ў канкрэтнай справе, як асобамі, упаўнаважанымі забяспечваць вяршэнства права, законнасць і правапарадак, абараняць правы і законныя інтарэсы грамадзян.

Падчас заняткаў суддзя Канстытуцыйнага Суда адказала на пытанні слухачоў.