Пытанні, з якімі грамадзяне звярнуліся на прыём да Старшыні Канстытуцыйнага Суда, тычыліся паўсюднай лічбавізацыі грамадскіх адносін.

У прыватнасці, заяўнікі закранулі пытанне аб абмежаванні канстытуцыйных правоў вернікаў планаваным выпускам лічбавай валюты.

Старшынёй Канстытуцыйнага Суда дадзены падрабязныя тлумачэнні па выкладзеных заяўнікамі пытаннях, у тым ліку наконт органаў, да кампетэнцыі якіх аднесена вызначэнне асноўных напрамкаў грашова-крэдытнай палітыкі Рэспублікі Беларусь.

Грамадзянам, якія звярнуліся, таксама растлумачаны кампетэнцыя Канстытуцыйнага Суда і парадак рэалізацыі права грамадзян на зварот у Канстытуцыйны Суд з канстытуцыйнай скаргай.