Напярэдадні дзяржаўнага свята – Дня Канстытуцыі Рэспублікі Беларусь суддзя Канстытуцыйнага Суда А.В.Сямашка выступіла з лекцыяй на тэму «Канстытуцыяналізм і абарона канстытуцыйнага ладу ў Рэспубліцы Беларусь: ад дактрыны да гарантый» перад студэнтамі спецыяльнасці «Дзяржаўнае кіраванне і права» Акадэміі кіравання пры Прэзідэнце Рэспублікі Беларусь.

А.В.Сямашка асвятліла розныя падыходы да вызначэння паняццяў «канстытуцыяналізм» і «канстытуцыйны лад», распавяла пра гісторыю іх з’яўлення і пра грані выкарыстання ў навуцы канстытуцыйнага права.

Асноўная ўвага была ўдзелена ролі Канстытуцыйнага Суда Рэспублікі Беларусь у забеспячэнні вяршэнства Канстытуцыі, абароне канстытуцыйнага ладу і правоў грамадзян, а таксама канстытуцыйнай скарзе як эфектыўнаму сродку абароны правоў. Пытанні, якія задавалі студэнты, сведчаць аб сур’ёзнай увазе да тэмы лекцыі і жывой цікавасці да дзейнасці Канстытуцыйнага Суда.

Суддзя павіншавала студэнтаў і работнікаў Акадэміі з Днём Канстытуцыі і выказала ўпэўненасць у далейшым прагрэсіўным развіцці беларускай дзяржавы на аснове дзяржаўнага суверэнітэту і непахіснасці народаўладдзя, міру і грамадзянскай згоды, дабрабыту грамадзян і іншых канстытуцыйных каштоўнасцей.