Сімвалічнай падзеяй напярэдадні Дня Канстытуцыі Рэспублікі Беларусь стала выступленне суддзі Канстытуцыйнага Суда С.П.Чыгрынава на тэму «Народаўладдзе як фундамент устойлівага развіцця дзяржавы».

У выступленні закрануты пытанні аб сацыяльна-прававой сутнасці народаўладдзя, канстытуцыйных механізмах ажыццяўлення непасрэднай і прадстаўнічай дэмакратыі ў Рэспубліцы Беларусь. Спікерам падкрэслена важнасць непахіснасці народаўладдзя для забеспячэння міру і грамадзянскай згоды, дабрабыту грамадзян, незалежнасці і росквіту Рэспублікі Беларусь. Разгледжана роля Прэзідэнта Рэспублікі Беларусь у зацвярджэнні прынцыпу народаўладдзя ў дзяржаўным будаўніцтве. Прааналізаваны канстытуцыйныя асновы правядзення рэферэндумаў і выбараў, арганізацыі і функцыянавання Усебеларускага народнага сходу, мясцовых Саветаў дэпутатаў, органаў тэрытарыяльнага грамадскага самакіравання, рэалізацыі грамадзянскіх ініцыятыў.