Старшыня Канстытуцыйнага Суда Рэспублікі Беларусь С.М.Сівец сустрэўся з Надзвычайным і Паўнамоцным Паслом Ісламскай Рэспублікі Іран у Рэспубліцы Беларусь Алірэзой Санеі, паведаміўшы, што ў Канстытуцыйным Судзе Рэспублікі Беларусь з пачуццём глыбокага смутку ўспрынялі трагічную навіну аб гібелі Вярхоўнага лідара Ісламскай Рэспублікі Іран Алі Хаменеі і ні ў чым не вінаватых мірных грамадзян у выніку вераломнага акта міжнароднай агрэсіі.

Сівец выказаў шчырыя і глыбокія спачуванні родным і блізкім загінулых і салідарнасць з гераічным народам дружалюбнага Ірана, выказаўшы надзею на найхуткае мірнае завяршэнне канфлікту, аднаўленне правоў і свабод грамадзян Ірана, зацвярджэнне неад’емнага права на жыццё і недатыкальнасць.