Падчас прыёму па кансультацыю звярнуўся грамадзянін па пытанні падачы канстытуцыйнай скаргі аб праверцы канстытуцыйнасці норм крымінальна-працэсуальнага закона, прымененага судом агульнай юрысдыкцыі ў канкрэтнай справе.

Суддзёй А.В.Сямашка былі дадзены дэталёвыя разгорнутыя тлумачэнні па сутнасці пастаўленых пытанняў. У прыватнасці, аб размежаванні кампетэнцыі Канстытуцыйнага Суда і судоў агульнай юрысдыкцыі, умовах дапушчальнасці і парадку падачы канстытуцыйнай скаргі, патрабаваннях да яе зместу, устаноўленых Законам Рэспублікі Беларусь «Аб канстытуцыйным судаводстве».

Правядзенне асабістых прыёмаў грамадзян кіруючым складам і суддзямі Канстытуцыйнага Суда накіравана на забеспячэнне даступнасці правасуддзя. Гэтыя мерапрыемствы адлюстроўваюць практыку прамога ўзаемадзеяння Канстытуцыйнага Суда з грамадзянамі і садзейнічаюць павышэнню прававой дасведчанасці насельніцтва аб механізмах канстытуцыйнага кантролю.