14 сакавiка 2019 г. Канстытуцыйны Суд Рэспублікі Беларусь прыняў Пасланне Прэзідэнту Рэспублікі Беларусь і палатам Нацыянальнага сходу Рэспублікі Беларусь «Аб стане канстытуцыйнай законнасці ў Рэспубліцы Беларусь у 2018 годзе»

  

 

10 і 11 чэрвеня 2019 г. Канстытуцыйны Суд Рэспублікі Беларусь праверыў у парадку ажыццяўлення абавязковага папярэдняга кантролю канстытуцыйнасць законаў Рэспублікі Беларусь, прынятых Палатай прадстаўнікоў і адобраных Саветам Рэспублікі Нацыянальнага сходу Рэспублікі Беларусь, «Аб радыяцыйнай бяспецы», «Аб змяненні Закона Рэспублікі Беларусь «Аб трансплантацыі органаў і тканак чалавека», «Аб змяненні Закона Рэспублікі Беларусь «Аб дапаможных рэпрадуктыўных тэхналогіях» , «Аб змяненні Закона Рэспублікі Беларусь «Аб паштовай сувязі», «Аб змяненні законаў» (суддзя-дакладчык Карповіч Н.А.).

  

 

30 мая 2019 г. у г. Мінску адбылася Міжнародная канферэнцыя «Сучаснае канстытуцыйнае развіццё: роля канстытуцыйнага кантролю ў канстытуцыяналiзацыi права», прысвечаная 25-годдзю Канстытуцыйнага Суда Рэспублікі Беларусь

У канферэнцыі прынялі ўдзел дэлегацыі органаў канстытуцыйнага кантролю Азербайджана, Арменіі, Балгарыі, Босніі і Герцагавіны, Грузіі, Казахстана, Кыргызстана, Латвіі, Расіі, Чэхіі, дэлегацыя Еўрапейскай камісіі за дэмакратыю праз права (Венецыянскай камісіі), а таксама суддзі Канстытуцыйнага Суда Рэспублікі Беларусь, кіраўнікі дзяржаўных органаў і іншых арганізацый.

Абмяркоўваліся пытанні канстытуцыйнага будаўніцтва ў сучасных умовах, ролі канстытуцыйнага правасуддзя ў канстытуцыяналiзацыi права і правапрымяненні, праблемы зацвярджэння канстытуцыйнага правапарадку.

Старшыня Канстытуцыйнага Суда Рэспублікі Беларусь Мiклашэвiч П.П. выступiў з дакладам «Канстытуцыйнае развіццё: канстытуцыйны кантроль у працэсе канстытуцыяналiзацыi права»