Абмеркаванне праекта змяненняў і дапаўненняў Канстытуцыі арганізавана сумесна з Беларускім рэспубліканскім саюзам моладзі ў рамках адкрытага дыялога «Сіла Закона».

У дыскусіі прынялі ўдзел прадстаўнікі моладзі – актыву БРСМ, кіраўнікі маладзёжных грамадскіх аб'яднанняў, а таксама прадстаўнікі Палаты прадстаўнікоў і Савета Рэспублікі Нацыянальнага сходу Рэспублікі Беларусь, Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў, Нацыянальнага цэнтра прававой інфармацыі.

Мiклашэвiч П.П. у сваім выступленні праінфармаваў аб дзейнасці Канстытуцыйнай камісіі па распрацоўцы прапаноў па змяненні Канстытуцыі з улікам рэальных асаблівасцей сацыяльнага і палітыка-прававога развіцця краіны, наспелых галоўных патрэбнасцей грамадства.

Звернута ўвага ўдзельнікаў на сутнасць дапаўненняў і змяненняў Канстытуцыі, у прыватнасці захаванне прэзідэнцкай формы праўлення, з удакладненнем статусу і функцый Прэзідэнта, Парламента, Урада, пераразмеркаванне паўнамоцтваў дадзеных дзяржаўных органаў; устанаўленне канстытуцыйнага статусу Усебеларускага народнага сходу; узмацненне сацыяльнай абароненасці грамадзян (замацаванне гарантый падтрымкі сямей з дзецьмі; каштоўнасці сям'і і шлюбу як саюза мужчыны і жанчыны, гарантый пенсійнага забеспячэння, роўных магчымасцей для асоб з інваліднасцю); пашырэнне гарантый абароны правоў грамадзян. Мiклашэвiч П.П. таксама адказаў на пытанні ўдзельнікаў дыялога.

Звяртаючыся да удзельнікаў мерапрыемства, Старшыня Канстытуцыйнага Суда адзначыў, што моладзь – найбольш актыўная і крэатыўная частка грамадства. Энергія і патэнцыял моладзі вызначаюць будучыню краіны, далейшае прагрэсіўнае развіццё і ўмацаванне грамадства і дзяржавы. Таму Канстытуцыйная камісія прапанавала сфармуляваць асобны артыкул Канстытуцыі адносна моладзі:

«Дзяржава дапамагае духоўнаму, духоўнаму, інтэлектуальнаму і фізічнаму развіццю моладзі, стварае неабходныя ўмовы для яе свабоднага і эфектыўнага ўдзелу ў грамадскім жыцці, рэалізацыі патэнцыялу моладзі ў інтарэсах усяго грамадства».

Гэта вывераная канстытуцыйная норма, як падкрэсліў Мiклашэвiч П.П., устанаўлiвае асновы канструктыўнага ўзаемадзеяння дзяржавы і моладзі, дазваляе моладзі ўсебакова развівацца, годна адказваць на сучасныя выклікі, дзяржаве – актыўна ўцягваць моладзь у вырашэнне грамадскіх і дзяржаўных задач, выхоўваць маладых патрыётаў, адказных за цяперашняе і будучае нашай краіны.