У міжнароднай канферэнцыі прынялі ўдзел старшыні і суддзі канстытуцыйных судоў і органаў роўнай ім юрысдыкцыі Азербайджана, Арменіі, Балгарыі, Венесуэлы, Грузіі, Казахстана, Латвіі, Расіі, Таджыкістана, Турцыі, намеснік старшыні Еўрапейскай камісіі за дэмакратыю праз права (Венецыянскай камісіі), старшыні Эканамічнага Суда Садружнасці Незалежных Дзяржаў, Суда Еўразійскай эканамічнай супольнасці.

У ліку ўдзельнікаў канферэнцыі таксама былі прадстаўнікі дзяржаўных органаў Рэспублікі Беларусь (Старшыня Вярхоўнага Суда, Генеральны пракурор, Міністр юстыцыі, Намеснік Главы Адміністрацыі Прэзідэнта, дырэктар Нацыянальнага цэнтра заканадаўства і прававых даследаванняў), вучоныя-канстытуцыяналісты.

На канферэнцыі абмяркоўваліся пытанні аб ролі канстытуцыйнага кантролю ў сучасных умовах у абароне годнасці, правоў і свабод чалавека, аб тэндэнцыях развіцця канстытуцыйнага правасуддзя.

Прэзідэнт Рэспублікі Беларусь А.Г.Лукашэнка накіраваў прывітанне ўдзельнікам міжнароднай конфереции.

Да ўдзельнікаў форума з прывітальнымі выступленнямі звярнуліся: ад Еўрапейскай камісіі за дэмакратыю праз права (Венецыянскай камісіі) − намеснік Старшыні Венецыянскай камісіі Яўген Танчаў, ад Канферэнцыі органаў канстытуцыйнага кантролю краін новай дэмакратыі − Старшыня Канстытуцыйнага Суда Рэспублікі Арменія Арутюнян Гагік Гарушавіч, а таксама Старшыня Эканамічнага Суда Садружнасці Незалежных Дзяржаў Камянкова Людміла Эдуардаўна, Старшыня Суда Еўразійскай эканамічнай супольнасці Алімбекаў Мусабек Тургынбекавіч.

Старшыня Канстытуцыйнага Суда Рэспублікі Беларусь Міклашэвіч Пётр Пятровіч выйступіў з дакладам на тэму «Канстытуцыйны кантроль у Рэспубліцы Беларусь: сучасныя тэндэнцыі развіцця і ўдасканальвання».

Падводзячы вынікі канферэнцыі П.П.Міклашэвіч выказаў упэўненасць у тым, што даклады ўдзельнікаў і дыскусіі, якія адбыліся, дазволілі глыбей асэнсаваць асаблівасці развіцця канстытуцыйнага правасуддзя, канстытуцыйнай дактрыны, фарміравання сучаснага канстытуцыяналізму. Таксама было адзначаны, што новыя вызавы сучаснага свету, узмацненне інтэграцыйных працэсаў сведчаць аб неабходнасці выпрацоўкі стратэгіі развіцця дзяржаў на аснове вяршэнства права і справядлівасці з улікам агульначалавечых і нацыянальных каштоўнасцей.

Эфектыўнае канстытуцыйнае правасуддзе забяспечвае магчымасць дзяржавам гарманічна развівацца на канстытуцыйнай аснове, дасягаць балансу інтарэсаў чалавека, грамадства і дзяржавы, сталага і паслядоўнага дэмакратычнага развіцця нашых краін.