Напярэдадні святкавання 81-й гадавіны Перамогі ў Вялікай Айчыннай вайне тэмай сустрэчы намесніка Старшыні Канстытуцыйнага Суда Рэспублікі Беларусь Н.А.Карповіч з працоўным калектывам УП «Мінгаз», якая адбылася 6 мая 2026 г., сталі палажэнні Канстытуцыі Рэспублікі Беларусь аб міры і абароне Рэспублікі Беларусь.

Прэзідэнт Рэспублікі Беларусь А.Р.Лукашэнка ёміста сказаў аб міры як адной з базавых каштоўнасцей, якія ўсведамляюцца з кожным днём усё вастрэй, у выступленні 18 снежня 2025 г. на другім пасяджэнні сёмага Усебеларускага народнага сходу пры звароце з Пасланнем да беларускага народа і Нацыянальнага сходу.

Падкрэсліўшы, што ў Рэспубліцы Беларусь мір выступае найважнейшай канстытуцыйнай каштоўнасцю і ўсяляк ахоўваемым дабром, намеснік Старшыні Канстытуцыйнага Суда адзначыла, што сцвярджэнню міру і згоды ў грамадстве спрыяе паслядоўная рэалізацыя ў дзейнасці дзяржавы і яе органаў канстытуцыйных прынцыпаў народаўладдзя, сацыяльнай справядлівасці, роўнасці правоў, пераемнасці пакаленняў.

Для падтрымання сацыяльнага міру Канстытуцыяй прадугледжаны ўлік інтарэсаў розных слаёў насельніцтва, забеспячэнне свабоды духоўнага жыцця грамадзян, рэгуляванне дзяржавай адносін паміж сацыяльнымі, нацыянальнымі, рэлігійнымі і іншымі супольнасцямі на аснове роўнасці перад законам, павагі іх правоў і інтарэсаў. Пры гэтым Асноўны Закон прама забараняе стварэнне і дзейнасць палітычных партый, іншых грамадскіх аб’яднанняў, якія маюць на мэце гвалтоўнае змяненне канстытуцыйнага ладу альбо вядучых прапаганду вайны, сацыяльнай, нацыянальнай, рэлігійнай і расавай варожасці, іншыя дэструктыўныя праявы, якія могуць несці пагрозу міру і грамадзянскай згодзе.

Гістарычная пераемнасць антываеннай палітыкі Беларусі замацавана ў нормах Канстытуцыі, якія ўстанаўліваюць, што Рэспубліка Беларусь у сваёй знешняй палітыцы зыходзіць з прынцыпаў роўнасці дзяржаў, непрымянення сілы або пагрозы сілай, непарушнасці межаў, мірнага ўрэгулявання спрэчак, неўмяшання ва ўнутраныя справы і іншых агульнапрызнаных прынцыпаў і нормаў міжнароднага права; Рэспубліка Беларусь выключае ваенную агрэсію са сваёй тэрыторыі ў дачыненні да іншых дзяржаў.

Як адзначана ў Пасланні Канстытуцыйнага Суда Рэспублікі Беларусь «Аб стане канстытуцыйнай законнасці ў Рэспубліцы Беларусь» ад 12 сакавіка 2026 г., палажэнні Канстытуцыі вызначаюць вобраз беларускай дзяржавы як міралюбнай, бяспечнай і стваральнай, якая функцыянуе на карысць чалавека; беларуская мадэль дзяржавы для народа, у цэнтры якой правы чалавека на годнае і бяспечнае жыццё, будуецца з улікам сучасных рэалій міжнароднага правапарадку.

Забеспячэнне ўмоў для захавання міру, уключаючы ўмацаванне абароннай моцы нашай краіны, папярэджанне міжнародных канфліктаў, рэалізуецца на канстытуцыйнай аснове ў паўсядзённай працы кіраўніка дзяржавы Рэспублікі Беларусь і іншых органаў дзяржавы.

Пры гэтым патрыятызм, захаванне гістарычнай памяці аб гераічным мінулым беларускага народа, абарона Рэспублікі Беларусь з’яўляюцца канстытуцыйным абавязкам кожнага грамадзяніна Рэспублікі Беларусь. Сёння кожны павінен задумацца аб тым, як важны мір і спакой у дзяржаве, якую велізарную каштоўнасць яны ўяўляюць, і як неабходна ўзгодненае процідзеянне грамадства любым спробам парушыць наша мірнае жыццё.

Н.А.Карповіч адзначыла найважнейшае значэнне захавання гістарычнай праўды і памяці аб гераічным подзвігу беларускага народа ў гады Вялікай Айчыннай вайны як для выхавання падрастаючага пакалення ў духу патрыятызму, так і разумення моладдзю сутнасці падзей, якія адбываюцца ў сучасным свеце.

Удзельнікі сустрэчы атрымалі падрабязную інфармацыю аб рашэннях Канстытуцыйнага Суда, у якіх усе суб’екты грамадскіх адносін арыентуюцца на паслядоўную рэалізацыю канстытуцыйных прынцыпаў і норм у мэтах няўхільнага зацвярджэння сацыяльнага міру.

Падчас сустрэчы адбыўся актыўны дыялог аб напрамках удасканалення прававой асновы ўзаемадзеяння дзяржаўных органаў і арганізацый з грамадзянамі, рэзервах далейшага павышэння эфектыўнасці вырашэння пытанняў, якія ўзнікаюць у паўсядзённым жыцці людзей.