П.П.Міклашэвіч выступіў на тэму «Усебеларускі народны сход –канстытуцыйны орган народаўладдзя»

Старшыня Канстытуцыйнага Суда расказаў пра этапы канстытуцыйнага развіцця Рэспублікі Беларусь, сістэму органаў дзяржаўнай улады, канстытуцыйны статус, функцыі і паўнамоцтвы Усебеларускага народнага сходу.

 П.П.Міклашэвіч адзначыў, што ў абноўленай Канстытуцыі ўстаноўлены канстытуцыйны статус Усебеларускага народнага сходу як вышэйшага прадстаўнічага органа народаўладдзя, які вызначае стратэгічныя напрамкі развіцця грамадства і дзяржавы. Сваёй практычнай дзейнасцю Усебеларускі народны сход закліканы забяспечваць кансалідацыю і стабільнасць у сістэме органаў улады, у грамадстве і дзяржаве.

 На маючым адбыцца пасяджэнні Усебеларускага народнага сходу 18–19 снежня 2025 г. будзе прымацца Праграма сацыяльна-эканамічнага развіцця Рэспублікі Беларусь на 2026–2030 гады. Канстытуцыйныя палажэнні аб тым, што чалавек, яго правы і свабоды з’яўляюцца вышэйшай каштоўнасцю і мэтай грамадства і дзяржавы – асноватворны вектар сацыяльна-эканамічнага развіцця на будучую пяцігодку.

 П.П.Міклашэвіч праінфармаваў, што на пасяджэнні Усебеларускага народнага сходу ўпершыню будуць выбірацца суддзі Канстытуцыйнага Суда і Вярхоўнага Суда ў мэтах павышэння іх незалежнасці пры ажыццяўленні правасуддзя.

 У ходзе дыялогу былі дадзены адказы на пытанні студэнтаў пра паўнамоцтвы Канстытуцыйнага Суда, прынятыя рашэнні па канстытуцыйных скаргах грамадзян.

 Старшыня Канстытуцыйнага Суда пажадаў студэнтам паспяхова вучыцца, стаць высокапрафесійнымі спецыялістамі і з пачуццём патрыятызму працаваць на роднай зямлі, уносіць важкі ўклад ва ўстойлівае развіццё аграпрамысловага комплексу Беларусі.