Грамадзянка Емельяновіч В.М. звярнулася ў Канстытуцыйны Суд са скаргай аб праверцы канстытуцыйнасці артыкула 12 Закона Рэспублікі Беларусь «Аб асновах сістэмы прафілактыкі безнагляднасці і правапарушэнняў непаўналетніх» у сувязі з адсутнасцю ў ёй прававога механізма рэалізацыі канстытуцыйнага права грамадзян на судовую абарону. Заяўніцай абскарджваецца таксама пункт 41 Палажэння аб парадку ўтварэння і дзейнасці камісій па справах непаўналетніх, зацверджанага пастановай Савета Міністраў Рэспублікі Беларусь ад 10 снежня 2003 г. № 1599, якім раней, да ўнясення ў яго змяненняў 14 студзеня 2025 г., быў вызначаны несудовы парадак абскарджання пастановы камісіі па справах непаўналетніх.

В.М.Емельяновіч мяркуе, што з прычыны прымянення названых нарматыўных прававых актаў судом у грамадзянскай справе па яе скарзе на неправамерныя дзеянні камісіі па справах непаўналетніх парушана яе канстытуцыйнае права на судовую абарону.