Старшыня Канстытуцыйнага Суда распавёў пра канстытуцыйныя прынцыпы выбарчай сістэмы, выбарчыя правы моладзі.

Гаворачы аб ролі моладзі ў развіцці грамадства і дзяржавы, П.П.Міклашэвіч адзначыў, што моладзь з’яўляецца найбольш актыўнай і крэатыўнай часткай грамадства, яе энергія і патэнцыял вызначаюць будучыню краіны, далейшае прагрэсіўнае развіццё і ўмацаванне грамадства і дзяржавы. Дзяржава спрыяе духоўнаму, маральнаму, інтэлектуальнаму і фізічнаму развіццю моладзі, стварае неабходныя ўмовы для яе свабоднага і эфектыўнага ўдзелу ў грамадскім жыцці, для рэалізацыі патэнцыялу моладзі ў інтарэсах усяго грамадства.

П.П.Міклашэвіч адказаў на пытанні студэнтаў аб канцэптуальных зменах абноўленай Канстытуцыі, канстытуцыйным статусе і функцыях Усебеларускага народнага сходу, Цэнтральнай выбарчай камісіі, паўнамоцтвах Канстытуцыйнага Суда.

Старшыня Канстытуцыйнага Суда пажадаў студэнтам выдатна вучыцца, быць актыўнымі ўдзельнікамі канстытуцыйных праваадносін; выказаў упэўненасць, што яны выканаюць свой канстытуцыйны абавязак і шляхам свабоднага волевыяўлення прымуць удзел у маючых адбыцца выбарах Прэзідэнта Рэспублікі Беларусь.