На прыём звярнуліся 18 грамадзян, якія ўзнялі пытанні пра парушэнне, па іх думцы, працоўных, жыллёвых, зямельных правоў, права ўласнасці, права на судовую абарону.

Былі абскарджаны рашэнні мясцовых выканаўчых і распарадчых органаў, судоў агульнай юрысдыкцыі, праваахоўных органаў.

Падчас прыёму разгледжаны пытанні рэалізацыі грамадзянамі права на зварот у Канстытуцыйны Суд з канстытуцыйнай скаргай.

Старшыня Канстытуцыйнага Суда растлумачыў грамадзянам, якія прыйшлі на прыём, вынікі папярэдняга разгляду трох канстытуцыйных скаргаў, раней пададзеных імі ў Канстытуцыйны Суд, і прыняў дзве новыя канстытуцыйныя скаргі для дадатковага вывучэння.