Нарадзілася ў 1971 годзе ва Украіне.

У 1993 годзе закончыла філалагічны факультэт Беларускага дзяржаўнага ўніверсітэта па спецыяльнасці «Руская мова і літаратура».

У 1998 годзе закончыла юрыдычны факультэт Беларускага дзяржаўнага ўніверсітэта па спецыяльнасці «Правазнаўства».

Закончыла аспірантуру Беларускага дзяржаўнага ўніверсітэта па спецыяльнасці «Грамадзянскі працэс; гаспадарчы працэс; арбітражны працэс».

У 2015 годзе прайшла перападрыхтоўку ў Інстытуце дзяржаўнай службы Акадэміі кіравання пры Прэзідэнце Рэспублікі Беларусь.

Прафесійную працоўную дзейнасць пачала на пасадзе стажора суддзі суда Фрунзенскага раёна г. Мінска.

У 2002 годзе назначана суддзёй Фрунзенскага раёна г. Мінска, з 2008 года – намеснік старшыні суда Партызанскага раёна г. Мінска, з 2010 года – старшыня суда Маскоўскага раёна г. Мінска.

З 2014 года працавала начальнікам галоўнага ўпраўлення арганізацыйнага і метадычнага забеспячэння судовай дзейнасці Вярхоўнага Суда Рэспублікі Беларусь.

У 2016 годзе назначана суддзёй Вярхоўнага Суда Рэспублікі Беларусь.

Са снежня 2019 года па сакавік 2024 года – дэпутат Палаты прадстаўнікоў Нацыянальнага сходу Рэспублікі Беларусь, старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па заканадаўстве.

У красавіку 2024 года назначана суддзёй Канстытуцыйнага Суда Рэспублікі Беларусь.

Мае вышэйшы кваліфікацыйны клас 2-га рангу. Заслужаны юрыст Рэспублікі Беларусь. Узнагароджана медалём Міжпарламенцкай Асамблеі дзяржаў – удзельніц Садружнасці Незалежных Дзяржаў «МПА СНД. 30 гадоў», ганаровымі граматамі Савета Міністраў Рэспублікі Беларусь, Нацыянальнага сходу Рэспублікі Беларусь і Вярхоўнага Суда Рэспублікі Беларусь.