30 красавіка 2021 г. Канстытуцыйны Суд Рэспублікі Беларусь, кіруючыся палажэннямі часткі першай артыкула 116 Канстытуцыі Рэспублікі Беларусь, абзаца другога часткі трэцяй артыкула 22 Кодэкса Рэспублікі Беларусь аб судаўладкаванні і статусе суддзяў, артыкула 98 і часткі першай артыкула 101 Закона Рэспублікі Беларусь «Аб канстытуцыйным судаводстве», праверыў у парадку ажыццяўлення абавязковага папярэдняга кантролю канстытуцыйнасць законаў Рэспублікі Беларусь, прынятых Палатай прадстаўнікоў і адобраных Саветам Рэспублікі Нацыянальнага сходу Рэспублікі Беларусь:

«Аб недапушчэнні рэабілітацыі нацызму» (суддзя-дакладчык Варановіч Т.В.);

«Аб змяненні законаў па пытаннях процідзеяння экстрэмізму» (суддзя-дакладчык Данiлюк С.Я.);

«Аб змяненні Закона Рэспублікі Беларусь «Аб масавых мерапрыемствах у Рэспубліцы Беларусь» (суддзя-дакладчык Варановіч Т.В.);

«Аб змяненні законаў па пытаннях забеспячэння нацыянальнай бяспекі Рэспублікі Беларусь» (суддзя-дакладчык Чыгрынаў С.П.);

«Аб змяненні Закона Рэспублікі Беларусь «Аб дзяржаўнай абароне суддзяў, службовых асоб праваахоўных і кантралюючых (наглядных) органаў, супрацоўнікаў органа дзяржаўнай аховы» (суддзя-дакладчык Данiлюк С.Я.);

«Аб змяненні законаў па пытаннях працоўных адносін» (суддзя-дакладчык Сяргеева В.Г.);

«Аб змяненні законаў па пытаннях сродкаў масавай інфармацыі» (суддзя-дакладчык Козырава Л.Р.);

«Аб змяненні Закона Рэспублікі Беларусь «Аб электрасувязі» (суддзя-дакладчык Цікавенка А.Г.).

Па выніках разгляду законы прызнаны адпаведнымі Канстытуцыі Рэспублікі Беларусь. Пры гэтым Канстытуцыйным Судом сфармуляваны прававыя пазіцыі, накіраваныя на ўдакладненне канстытуцыйна-прававога сэнсу некаторых норм законаў.