28 снежня 2015 г. Канстытуцыйны Суд Рэспублікі Беларусь, кіруючыся палажэннямі часткі першай артыкула 116 Канстытуцыі Рэспублікі Беларусь, абзаца другога часткі трэцяй артыкула 22 Кодэкса Рэспублікі Беларусь аб судаўладкаванні і статусе суддзяў, артыкула 98 і часткі першай артыкула 101 Закона Рэспублікі Беларусь «Аб канстытуцыйным судаводстве», праверыў у парадку ажыццяўлення абавязковага папярэдняга кантролю канстытуцыйнасць законаў Рэспублікі Беларусь, прынятых Палатай прадстаўнікоў і адобраных Саветам Рэспублікі Нацыянальнага сходу Рэспублікі Беларусь:

«Аб унясенні змяненняў і дапаўненняў у некаторыя законы Рэспублікі Беларусь па пытаннях прадпрымальніцкай дзейнасці і падаткаабкладання» (суддзя-дакладчык Бойка Т.С.);

«Аб прамысловай бяспецы» (суддзя-дакладчык Ізотка У.П.);

«Аб унясенні змяненняў і дапаўненняў у Бюджэтны кодэкс Рэспублікі Беларусь» (суддзя-дакладчык Бойка Т.С.);

«Аб унясенні дапаўнення і змянення ў Закон Рэспублікі Беларусь «Аб дзяржаўнай праграме ўзбраення і дзяржаўным абаронным заказе» (суддзя-дакладчык Данілюк С.Я.);

«Аб унясенні дапаўненняў і змяненняў у Закон Рэспублікі Беларусь «Аб знешняй працоўнай міграцыі» (суддзя-дакладчык Падгруша В.В.);

«Аб унясенні дапаўненняў у Закон Рэспублікі Беларусь «Аб мясцовым кіраванні і самакіраванні ў Рэспубліцы Беларусь» (суддзя-дакладчык Карповіч Н.А.);

«Аб унясенні змяненняў у некаторыя законы Рэспублікі Беларусь» (суддзя-дакладчык Цікавенка А.Г.).

Па выніках разгляду законы прызнаны адпаведнымі Канстытуцыі Рэспублікі Беларусь. Пры гэтым Канстытуцыйным Судом сфармуляваны прававыя пазіцыі, накіраваныя на ўдакладненне канстытуцыйна-прававога сэнсу некаторых норм законаў.