26 сакавіка 2009 г. Канстытуцыйны Суд Рэспублікі Беларусь прыняў рашэнне “Аб Рэгламенце Савета Міністраў Рэспублікі Беларусь”.

У рашэнні Канстытуцыйны Суд адзначыў, што Рэгламент не вызначае парадак прыняцця Саветам Міністраў рашэнняў аб падтрымцы або адхіленні зваротаў грамадзян і арганізацый з ініцыятывай аб праверцы канстытуцыйнасці нарматыўных прававых актаў, а таксама механізм рэалізацыі Саветам Міністраў права на зварот у Канстытуцыйны Суд па ўласнай ініцыятыве па пытаннях канстытуцыйнасці нарматыўных прававых актаў.

Акрамя таго, у Рэгламенце не ўстаноўлены парадак ініцыіравання Саветам Міністраў перад Канстытуцыйным Судом прапановы аб выкладанні Судом сваёй пазіцыі аб дакументах, якія прымаюцца (выдаюцца) замежнымі дзяржавамі і (або) іх органамі і закранаюць інтарэсы Рэспублікі Беларусь, у частцы адпаведнасці гэтых дакументаў агульнапрызнаным прынцыпам і нормам міжнароднага права.

Канстытуцыйны Суд прызнаў неабходным у мэтах забеспячэння належнага ажыццяўлення правоў і законных інтарэсаў грамадзян і арганізацый, выканання канстытуцыйнага прынцыпу прававой дакладнасці ўнесці адпаведныя змяненні і дапаўненні ў Рэгламент Савета Міністраў, накіраваныя на ўстаноўленне парадка ўнясення Саветам Міністраў у Канстытуцыйны Суд вызначаных прапаноў.

26 жнiўня 2009 г. Савет Міністраў прыняў пастанову № 1112 “Аб ўнясенні дапаўнення ў Рэгламент Савета Міністраў Рэспублікі Беларусь”, якой рэалiзаваў прапановы Канстытуцыйнага Суда.

У адпаведнасцi з вызначанай пастановай Рэгламент Савета Міністраў Рэспублікі Беларусь, зацверджаны пастановай Савета Міністраў Рэспублікі Беларусь ад 14 лютага 2009 г. № 193, дапаўняецца спецыяльнай главой 8¹ “Парадак разгляду Саветам Міністраў Рэспублікі Беларусь пытанняў унясення прапаноў у Канстытуцыйны Суд”.

Такiм чынам, у Рэгламенце Савета Міністраў Рэспублікі Беларусь у цяперашні час прадугледжаны механізм рэалізацыі устаноўленнага артыкулам 22 Кодэкса Рэспублікі Беларусь аб судаўладкаванні і статусе суддзяў фактычнага права грамадзян і арганізацый на зварот у апасродкаванай форме ў Канстытуцыйны Суд з прапановай аб праверцы канстытуцыйнасці акта, а таксама механізм рэалізацыі права Савета Міністраў у адпаведнасцi з Дэкрэтам Прэзідэнта Рэспублікі Беларусь ад 26 чэрвеня 2008 г. № 14 ўнясення ў Канстытуцыйны Суд прапаноў аб выкладанні пазіцыі Канстытуцыйныга Суда аб асобных дакументах замежных дзяржаў, міжнародных арганізацый і (або) іх органаў.