26 сакавіка 2009 г. Канстытуцыйны Суд Рэспублікі Беларусь у адпаведнасці з часткай восьмай артыкула 22 Кодэкса Рэспублікі Беларусь аб судаўладкаванні і статусе суддзяў у парадку рэалізацыі права на ўнясенне Прэзідэнту Рэспублікі Беларусь, у палаты Нацыянальнага сходу Рэспублікі Беларусь, Савет Міністраў Рэспублікі Беларусь, іншыя дзяржаўныя органы ў адпаведнасці з іх кампетэнцыяй прапаноў аб неабходнасці ўнясення ў акты заканадаўства змяненняў і (або) дапаўненняў, прыняцця новых нарматыўных прававых актаў разгледзеў Рэгламент Палаты прадстаўнікоў Нацыянальнага сходу Рэспублікі Беларусь. 

У сваім рашэнні (суддзя-дакладчык Чыгрынаў С.П.) Канстытуцыйны Суд прапанаваў Палаце прадстаўнікоў Нацыянальнага сходу ў мэтах забеспячэння належнага ажыццяўлення правоў і законных інтарэсаў грамадзян і арганізацый, рэалізацыі канстытуцыйных прынцыпаў вяршэнства права, паўнаты і дакладнасці прававога рэгулявання вызначыць у Рэгламенце Палаты прадстаўнікоў Нацыянальнага сходу парадак: разгляду зваротаў, якія змяшчаюць ініцыятыву аб праверцы канстытуцыйнасці нарматыўных прававых актаў; прыняцця законаў аб унясенні змяненняў і дапаўненняў у праграмныя законы; ініцыіравання прапаноў аб выкладанні Канстытуцыйным Судом пазіцыі аб дакументах, якія прымаюцца (выдаюцца) замежнымі і міжнароднымі арганізацыямі і (або) іх органамі і закранаюць інтарэсы Рэспублікі Беларусь, у частцы адпаведнасці гэтых дакументаў агульнапрызнаным прынцыпам і нормам міжнароднага права.